دی پاکستان ٹوڈے پاکستانی اور دنیا بھر سے تازہ ترین خبریں
بھارتی میڈیا نے دعویٰ کیا ہے کہ پاکستان کی ٹیم بھی بھارت آئے گی اور ساتھ میں اپنے میچز انڈیا کے ان دو شہر چنئی اور کولکتہ میں ورلڈ کپ کے میچز کھیلے گی، حالانکہ پاکستان کرکٹ بورڈ (پی سی بی) اس وقت تک بھارت کا دورہ نہ کرنے کے اپنے موقف پر قائم ہے
جب تک بی سی سی آئی پاکستان میں ایشیا کپ کھیلنے پر رضامند نہیں ہوتا۔ یہ پہلے کی رپورٹس سے ہٹ کی بیان سامنے آیا ہے، جس میں پی سی بی کی جانب س اشارہ دیا گیا تھا کہ پاکستان اپنے ورلڈ کپ کے میچ بنگلہ دیش میں کھیلے گا۔ یہ ہندوستان کی جانب سے رپوٹ سامنے آئی ہے، "بہت کچھ اس بات پر منحصر ہوگا کہ بی سی سی آئی اور ہندوستانی حکومت کیا فیصلہ کرتی ہے لیکن ایک انتخاب کے بعد، پاکستان اپنے ورلڈ کپ کے زیادہ تر میچ کولکتہ اور چنئی میں کھیلنا پسند کرے گا”۔ اس معاملے پر اس وقت انٹرنیشنل کرکٹ کونسل (آئی سی سی) اور پاکستان کرکٹ بورڈ (پی سی بی) کے درمیان بات چیت جاری ہے، جس میں تمام شریک ٹیموں کے بہترین مفاد میں فیصلہ کیے جانے کی امید ہے۔ پی سی بی نے اس سے قبل آئی سی سی کو میچز غیر جانبدار مقام پر کرانے کی سفارش کی ہے کیونکہ اے سی سی پہلے ہی ایشیا کپ کے لیے بھارت کے میچز پاکستان سے باہر کرانے پر رضامند ہو چکی ہے۔
یہ بات قابل غور ہے کہ آئی سی سی کو اس پیچیدہ مسئلے کو احتیاط سے چلانے کی ضرورت ہوگی، خاص طور پر جیسا کہ پی سی بی نے واضح کیا ہے کہ اگر ہندوستان ایشیا کپ کے لیے پاکستان کا دورہ نہیں کرتا ہے تو پاکستان ہندوستان میں کھیلنے کے لیے تیار نہیں ہے۔
