ایسی سورت مبارک جو گنہگار کی مغفرت تک التجا نہیں چھوڑتی

 فرمایا گیا ہے کہ :’’ قرآن مجید میں ایک سورت مبارک ہے جس کی

تیس آیتیں مبارک ہیں ۔ جس نے اپنے پڑھنے والے کیلئے رب تعالی سے شفاعت کی حتی کہ اس کو مغفرت مل گئی ۔ ( وہ سورت ہے ) ﴿ تَبَارَكَ الَّذِیْ بِیَدِہِ الْمُلْك ﴾سنن ابن ماجہ 3786

حضرت ابوہریرہ رضی اللہ عنہ سے ایک روایت منسوب ہے ، رسول اللہ ﷺ نے فرمایا :’’ ﴿ قُلْ هُوَ اللہُ اَحَدٌ ﴾ ( سورہ اخلاص ) تہائی قرآن کے برابر ہے ۔‘سنن ابن ماجہ 3787

حضرت انس بن مالک رضی اللہ عنہ سے بھی اسی طرح ایک روایت منسو ہے ، رسول اللہ ﷺ نے فرمایا :’’ ﴿ قُلْ هُوَ اللہُ اَحَدٌ ﴾ ( سورہ اخلاص ) قرآن کے تیسرے حصے کے برابر ہے ۔‘‘ سنن ابن ماجہ 3788

حضرت ابوسعید بن مُعلّٰی رضی اللہ عنہ سے روایت ہے ، رسول اللہ ﷺ نے مجھ سے فرمایا کیا میں مسجد سے نکلنے سے

پہلے تجھ کو قرآن مجید کی سب سے بڑی سورت نہ سکھا دوں ؟‘‘ ( اس کے بعد جب ) نبی ﷺ مسجد سے باہر تشریف لے جانے لگے

تو میں نے آپ کو یاد دہانی کرائی ۔ آپ ﷺ نے فرمایا :’’ ﴿ الْحَمْدُ لِلَّهِ رَبِّ الْعَالَمِينَ ﴾ یہی سبع مثانی

( سات بار بار دہرائی جانے والی آیات ) ہیں اور یہی قرآن عظیم ہے جو مجھے دیا گیا ہے ۔‘‘ سنن ابن ماجہ 3785