عماد وسیم کا انٹرنیشنل کرکٹ میں واپسی کے حوالے سے بڑا بیان

اسلام آباد یونائیٹڈ کے آل راؤنڈر عماد وسیم نے بین الاقوامی کرکٹ سے ریٹائرمنٹ واپس لینے کے حوالے سے اپنا تبصرہ پیش کیا ہے

گزشتہ سال نومبر میں انٹرنیشنل کرکٹ سے اچانک ریٹائرمنٹ لے کر شائقین کرکٹ کو حیران کرنے والے وسیم نے انٹرنیشنل کرکٹ میں واپسی کیلئے گرین سگنل دیا ہے ان کا کہنا تھا کہ

میں نے پاکستان کے لیے کھیلتے ہوئے اپنا نام روشن کیا اور اگر میرے ملک کو میری ضرورت ہوئی تو میں دستیاب ہوں گا۔ اگر نہیں تو مجھے اس سے کوئی مسئلہ نہیں ہے،‘‘ وسیم نے مقامی میڈیا سے بات میں کہا ۔

انہوں نے مزید کہا کہ شاہین آفریدی نے مجھے ریٹائر ہونے کے بعد فون کیا لیکن میں نے ان سے کہا کہ ہم پی ایس ایل کے بعد بات کریں گے۔

2015 میں بین الاقوامی کرکٹ میں ڈیبیو کرنے والے وسیم نے ریٹائرمنٹ سے قبل 66 ٹی ٹوئنٹی اور 55 ون ڈے میچز میں پاکستان کی نمائندگی کی۔

انہوں نے چھ نصف سنچریوں کی مدد سے تمام فارمیٹس میں 1,472 رنز بنائے اور 2017 میں آئی سی سی چیمپئنز ٹرافی جیتنے والی پاکستانی ٹیم کا بھی حصہ تھے۔