انگلینڈ سے ٹیسٹ میچ میں شکست کے بعد انڈیا کو ایک اور بڑا جھٹکا

انگلینڈ کے خلاف شکست کے بعد بھارت ورلڈ ٹیسٹ چیمپئن شپ کے پوائنٹس ٹیبل میں پانچویں نمبر پر چلا گیا ہے۔ گزشتہ روز حیدرآباد میں کھیلے گئے پانچ ٹیسٹ میچوں کی سیریز کے پہلے میچ میں انگلینڈ نے 28 رنز کے مارجن سے فتح حاصل کی۔

ورلڈ ٹیسٹ چیمپیئن شپ کی دو مرتبہ فاتح ہندوستان نے ٹیسٹ میچ سے قبل پوائنٹس ٹیبل پر دوسری پوزیشن حاصل کی تھی۔ تاہم انگلینڈ سے ہارنے کی وجہ سے وہ پانچویں پوزیشن پر گر گئے۔ جنوبی افریقہ دوسرے نمبر پر ہے جب کہ نیوزی لینڈ اور بنگلہ دیش نے بالترتیب تیسری اور چوتھی پوزیشن حاصل کی ہے۔

مہمان ٹیم انگلینڈ کے خلاف شکست کے بعد ہندوستان کے پوائنٹس کا فیصد 54.16 فیصد سے کم ہو کر 43.33 فیصد رہ گیا ہے۔ ہندوستانی ٹیم نے اب تک کل پانچ میچ کھیلے ہیں جن میں دو میں کامیابی، دو میں شکست اور ایک میچ بغیر کسی نتیجے کے ختم ہوا۔ اس وقت دفاعی چیمپئن آسٹریلیا پاکستان کو ٹیسٹ سیریز میں وائٹ واش کرنے کے بعد پوائنٹس ٹیبل پر سرفہرست ہے۔