ناصر حسین نے بابراعظم کے حوالے سے بڑی پیش گوئی کردی

انگلش کرکٹ ٹیم کے سابق کپتان اور معروف کمنٹیٹر ناصر حسین نے بابر اعظم کے حوالے سے پیشین گوئی کرتے ہوئے کہا ہے کہ یہ سال ان کے لیے قابل ذکر ثابت ہوگا۔ آئی سی سی کی جانب سے جاری کردہ ویڈیو میں ناصر حسین نے اس یقین کا اظہار کیا کہ آنے والا سال پاکستان کرکٹ ٹیم اور بابر اعظم کے لیے بہت زیادہ امکانات کا حامل ہے۔

ناصر حسین نے اس بات پر روشنی ڈالی کہ کپتانی سے دستبردار ہو کر بابر اعظم نے اپنے کندھوں پر سے بوجھ کم کر دیا ہے، جس سے وہ اپنی بیٹنگ کی مہارت کو نکھارنے پر زیادہ توجہ دے سکتے ہیں۔ انہوں نے اس بات پر زور دیا کہ اس سال ٹی ٹوئنٹی ورلڈ کپ جیسے اہم ایونٹس کا انعقاد ہو رہا ہے جس میں بابر اعظم کو غیر معمولی کارکردگی دکھانے کی ضرورت ہوگی۔ ناصر حسین نے بابر اعظم کے علاوہ اسٹار ہندوستانی بلے باز ویرات کوہلی کے لیے بھی شاندار سال کی پیش گوئی کی۔