دی پاکستان ٹوڈے پاکستانی اور دنیا بھر سے تازہ ترین خبریں
ذرائع کے مطابق پاکستانی ٹیم کے سابق کوچ ثقلین مشتاق کا کہنا ہے کہ شاداب خان کی ہر کسی کیساتھ فرمانبرداری اور پانچ وقت نماز پڑھنے کی عادت کو دیکھ کر انہیں اپنا داماد بنانے کا فیصلہ کرلیا تھا۔ ثقلین مشتاق نے حال ہی میں مشہور کامیڈی یوٹیوبر نادر علی کے پوڈ کاسٹ میں شرکت کی،
اس دوران میزبان نے ان سے پوچھا کہ شاداب خان کی وہ کون سی خوبی ہے جس کی وجہ سے انہیں اپنا داماد بنانے کا فیصلہ کیا؟ ایک سوال کے جواب میں سابق لیگ اسپنر ثقلین مشتاق نے اپنی بیٹی کا شاداب سے رشتہ طے کرنے کے بارے میں کہا کہ یہ رشتہ سب سے پہلے شاداب کے خاندان سے آیا ہے۔ شاداب کی ماں اور باپ ہمارے گھر آئے اور انہوں نے مجھے بڑی عجیب بات کہی کہ بیٹی بادشاہ کی ہو یا فقیر کی شادی تو کرنی پڑتی ہے، شاداب کی والدہ نے یہ بھی کہا کہ جب تک آپ مجھے میری بیٹی کا رشتہ نہیں دیں گے میں نہیں جاؤں گی۔ اس کے بعد میں نے ان سے دو دن کا وقت مانگا اور کہا کہ آپ اور میں استخارہ کرتے ہیں پھر جواب دیں گے۔ سابق ٹیسٹ کرکٹر کا کہنا تھا کہ ’شاداب کی 2 عادتوں کو دیکھ کر میں نے انہیں داماد کے طور پر قبول کیا،
پہلی یہ کہ شاداب کی والدہ نے بتایا کہ بیٹے نے ان سے کہا کہ والدین میرے لیے رشتہ دیکھیں، دوسری بات شاداب 5 وقت کا نمازی ہے، میں نے جتنا عرصہ شاداب کے ساتھ گزارا مجھے اس میں سے کوئی غلط بات نظر نہیں آئی، شاداب نماز پڑھنے کے لیے سب کو بلانے کے لیے دروازے کھٹکھٹاتا تھا
