دی پاکستان ٹوڈے پاکستانی اور دنیا بھر سے تازہ ترین خبریں
"پاکستانی کرکٹ ٹیم نے نیوزی لینڈ کے خلاف نیشنل اسٹیڈیم کراچی میں ایک روزہ بین الاقوامی میچوں میں مسلسل نویں جیت حاصل کر کے کرکٹ کی نئی تاریخ رقم کردی ہے،اور ساتھ میں آئی سی سی کرکٹ ورلڈ کپ سپر لیگ پوائنٹس ٹیبل پر دوسرے نمبر پر اپنی جگہ بھی بنا لی ہے جو کہ ایک بڑا اعزاز ہے
"محمد رضوان نے نیوزی لینڈ کے خلاف کراچی میں منعقدہ ون ڈے سیریز کے پہلے میچ میں شاندار کارکردگی کا مظاہرہ کیا۔ وکٹ کے پیچھے اور بلے پر ان کی شاندار کارکردگی، بابر اعظم اور فخر زمان کی شاندار پرفارمنس کے ساتھ، پاکستان کو جیت آسان بنانے میں مدد ملی۔ کیویز کے خلاف فتح۔ قومی ٹیم نے 256 رنز کا ہدف 19ویں اوور میں صرف چار وکٹوں کے نقصان پر حاصل کر لیا، جس کا بڑا حصہ رضوان کی شراکت کی بدولت ہے۔” پاکستان کی جانب سے محمد رضوان 77، بابر اعظم 66 اور فخر زمان 56 رنز بنا کر نمایاں رہے۔
اس سے قبل نیشنل بینک کرکٹ ارینا کراچی میں کھیلے جا رہے میچ میں پاکستان نے نیوزی لینڈ کے خلاف ٹاس جیت کر فیلڈنگ کا فیصلہ کیا۔ قومی ٹیم میں لیگ اسپنر اسامہ میر نے ون ڈے میں ڈیبیو کیا، ہیڈ کوچ ثقلین مشتاق نے اسامہ میر کو ون ڈے کیپ پیش کی۔ مڈل آرڈر بیٹر حارث سہیل کی ٹیم میں واپسی ہوئی ہے۔
پہلے بیٹنگ کرتے ہوئے نیوزی لینڈ نے پاکستان کو جیت کے لیے 256 رنز کا ہدف دیا۔ فاسٹ بولر نسیم شاہ نے پہلے اوور کی آخری گیند پر ڈیون کانوے کو بولڈ کرکے پویلین کی راہ دکھائی۔
اوپنر فن ایلن 29 رنز بنا کر محمد وسیم کی گیند پر کیچ تھما بیٹھے۔ ون ڈے میں ڈیبیو کرنے والے لیگ سپنر اسامہ میر نے کیوی کپتان کین ولیمسن کو بولڈ کرکے کیریئر کی پہلی وکٹ حاصل کی۔
