دی پاکستان ٹوڈے پاکستانی اور دنیا بھر سے تازہ ترین خبریں
اسلام آباد(ویب ڈیسک)انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ 2024 کے نئے اور منفرد فارمیٹ کا اعلان کردیا۔
ویسٹ انڈیز اور امریکہ میں ہونے والے ٹی ٹونٹی کا فارمیٹ گزشتہ ہونے والے ایونٹ سے مختلف ہونے جارہا ہے اور اگلے ورلڈ کپ میں تقریباً 20 ٹیمیں جو 4 گروپس میں تقسیم کی جائین گے ۔ اس کے بعد ہر گروپ سے دو دو ٹیمیں سپر 8 مرحلے میں اپنی جگہ بنائیں گی پھر سپر 8 کی ٹیموں کو 2 گروپس میں تقسیم کردیا جائے گا ۔
سپر 8 کی ٹاپ 4 ٹیمیں سیمی فائنل کے لیے کوالیفائی کریں گی۔ اگلے ٹی ٹوئنٹی ورلڈ کپ میں 55 میچ کھیلے جائیں گے۔ امریکہ اور ویسٹ انڈیز نے میزبانی کی بنیاد پر کوالیفائی کیا جبکہ پاکستان، انگلینڈ، بھارت اور نیوزی لینڈ نے 2022 میں اپنی کارکردگی کی بنیاد پر کوالیفائی کیا۔
آسٹریلیا، نیدرلینڈز، سری لنکا اور جنوبی افریقہ نے بھی اس سال کی کارکردگی کی بنیاد پر کوالیفائی کیا جبکہ افغانستان اور بنگلہ دیش نے رینکنگ کی بنیاد پر اگلے ورلڈ کپ کے لیے کوالیفائی کیا۔
دیگر آٹھ ٹیموں کا فیصلہ کوالیفائر کی بنیاد پر کیا جائے گا۔ افریقہ، ایشیا اور یورپ سے دو دو جبکہ بحرالکاہل اور امریکہ سے ایک ایک کوالیفائی کرے گا۔
