اسٹریلیا کے کھلاڑی میتھیو ویڈ کی کھلم کھلا چیٹنگ ، مارک ووڈ کو کیچ پکٹرنے سے روک دیا

اکتوبر 9, 2022 2 Views

آسٹریلیا کے کھلاڑی میتھیو ویڈ کی انگلینڈ کے پیسر مارک ووڈ کو کیچ پکڑنے سے روکنے کی کھلم کھلا کوشش کی ویڈیو سوشل میڈیا پر وائرل ہوگئی جس نے ایک نئی بحث کو بھی جنم دے دیا ۔ دونوں ٹیموں کے مابین یہ تنازعہ تب کھڑا ہوا جب بلے باز میتھیو ویڈ نے سرعام مارک ووڈ کو کیچ پکڑنے سے روکا ۔ آسڑیلیا کی ٹیم انگلینڈ کی جانب سے دیے گئے 209 رنز کا تعاقب کررہی تھی ۔

کہ ستارہویں اوور میں میتھیو ویڈ نے مارک ووڈ کی گیند پر ایک اونچی شاٹ کھیل دی جس سے گیند ہوا میں اچھل گئی اور مارک ووڈ اپنی ہی بال پر کیچ پکڑنے کیلئے سٹرائیک اینڈ کی جانب لپکے ۔ مگر یہاں میتھیو ویڈ نے اپنے بازو کی مدد سے پیسر کو کیچ پکڑنے سے کھلم کھلا روک دیا۔انگلینڈ کے کپتان جوس بٹلر نے بھی شکوک کے عالم میں ایمپائر کی جانب بازو اٹھائے لیکن مہمان ٹیم نے حیران کن طور پر کوئی اپیل نہیں کی

جس کی وجہ سے میتھیو ویڈ آؤٹ ہونے سے بچ گئے۔ سوشل میڈیا پر وائرل ہونے والی ایک ویڈیو نے بھی ایک نئی بحث چھیڑ دی ہے جہاں کچھ صارفین نے میتھیو ویڈ کے اس عمل کو تنقید کا نشانہ بنایا ہے۔ "اسپورٹس مین اسپرٹ” کے خلاف جبکہ کچھ کا کہنا ہے کہ میتھیو ویڈ کو نہیں معلوم تھا کہ گیند کہاں ہے لیکن پھر بھی مارک ووڈ کو روک دیا۔

آئی سی سی کی جانب سے فی الحال اس معاملے پر کوئی ردعمل سامنے نہیں آیا ہے۔ انگلینڈ نے آسٹریلیا کو پہلے ٹی ٹوئنٹی میں دلچسپ مقابلے کے بعد 8 رنز سے شکست دے دی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے