آخری اوور میں انگلینڈ کے خطرناک بلے باز کے خلاف 15 رنز کا دفاع، عامر جمال کے یارکرز کی دھوم

ستمبر 29, 2022 11 Views

قومی ٹیم نے کل کھیلے جانے والے پانچویں میچ میں انگلینڈ کو 5 رنز سے شکست دیکر سیریز 2-3 سے اپنے نام کرلی۔ پاکستانی ٹیم نے پہلے بلے بازی کرتے ہوئے 19 اوورز تمام کھلاڑی آوٹ پر 146 رنز کا ٹارگٹ دیا جس کے جواب میں مہمان ٹیم مقررہ 20 اوورز میں 7 وکٹوں کے نقصان پر 140 رنز ہی بناسکی ۔ جس کی سب سے بڑی وجہ پاکستان کے تمام ہی باولرز کی عمدہ پرفارمنس تھی ۔

انگلینڈ کی جانب سے صرف ایک ہی کھلاڑی جو آخر تک ڈٹ کر کھڑے رہے اور جب تک وہ کریس پر موجود رہے یہی لگ رہا تھا کہ کسی بھی لمحے انگلینڈ بازی پلٹ سکتا ہے اور میچ اپنے نام کرسکتا ہے ، لیکن اننگز کے آخری اوور میں جب ٹیم کو 15 رنز کا دفاع کرنا تھا تو عامر جمال نے عمدہ باولنگ اور خاص کر یارکرز کی مدد انگلینڈ کو میچ جیتنے نہیں دیا ، انھوں نے کریس پر موجود خطرناک بلے باز معین علی کو آف سٹیمپ کے باہر 4 یارکرز کروائے جس کو معین علی کسی بھی طریقے سے بڑی ہٹ میں نہ بدل سکے ۔ اور یوں پاکستان عامر جمال کی عمدہ باولنگ کی بدولت میچ جیت گیا اور انھوں نے اپنے دو اوور میں ایک وکٹ لیکر 13 رنز دیے ۔ ان کی باولنگ خاص کر یارکرز کی سوشل میڈیا پر دھوم مچی ہوئی ہے ۔جنھوں نے پوری اننگز میں انگلینڈ کی ٹیم کو کھل کر کھیلنے کا موقع نہیں دیا ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے