چاہتا تھا یہ کھلاڑٹی ٹی ٹونٹی کا کپتان بنے ، مگر غلطی سے شاہین کو بنوا دیا، شاہد آفریدی

قومی کرکٹ ٹیم کے سابق کپتان شاہد آفریدی نے ہلکے پھلکے انداز میں محمد رضوان کو قومی ٹی ٹوئنٹی کرکٹ ٹیم کا کپتان دیکھنے کی مزاحیہ خواہش کا اظہار کیا۔

آسٹریلیا میں منعقدہ ایک تقریب کے دوران شاہد آفریدی نے کھیلتے ہوئے محمد رضوان کی طرف اشارہ کیا اور ریمارکس دیئے کہ رضوان کی توجہ ہمیشہ اپنے کھیل پر ہوتی ہے، دوسرے کیا کر رہے ہیں اس سے کوئی غرض نہیں رکھتے۔ شاہد آفریدی نے رضوان کی اپنی کارکردگی کے لیے غیر متزلزل لگن کی تعریف کی۔

حاضرین کے قہقہوں کے درمیان شاہد آفریدی نے طنزیہ انداز میں کہا کہ وہ دراصل رضوان کو ٹی ٹوئنٹی کا کپتان بنانا چاہتے تھے لیکن غلطی سے شاہین کپتان بن گئے۔

تقریب میں موجود شاہد آفریدی کے داماد اور قومی ٹی ٹوئنٹی ٹیم کے موجودہ کپتان شاہین آفریدی اور محمد رضوان سمیت ہر کسی نے ہلکی پھلکی محفل کا مزہ لیا۔