دی پاکستان ٹوڈے پاکستانی اور دنیا بھر سے تازہ ترین خبریں
ذرائع کے مطابق معاملات تقریباً طے پاچکے ہیں جس کے مطابق ایشیا کپ 2023 اس سال پاکستان میں ہی کھیلا جائے گا ، اور جہاں تک بات رہی بھارتی ٹیم کی تو طے یہ پایا ہے کہ بھارت اپنے میچز نیوٹرل مقام پر کھیلے گا مگر ایشیا کپ میں شرکت ضرور کرےگا۔
کرک انفو نیوز کے مطابق، پاکستان کرکٹ بورڈ (پی سی بی) اور بورڈ آف کنٹرول فار کرکٹ ان انڈیا (بی سی سی آئی) بتدریج اس سال ایشین ایونٹ کو بچانے کے لیے ایک جامع حل کی طرف بڑھ چکے ہیں۔ جس میں طے یہ پایا ہے کہ ہندوستان اپنے میچ نیوٹرل وینیو پر کھیلے گا۔ اور اسی نیوٹرل مقام پر پاکستان کا اپنے روایتی حریفوں سے مقابلہ ہوگا۔ بھارت اور پاکستان کے تین بار کھیلنے کا امکان برقرار ہے۔ تاہم بقیہ میچز پاکستان میں کھیلے جانے کا امکان ہے۔ پاکستان اور بھارت کو ایک کوالیفائنگ ٹیم کے ساتھ ایک ہی گروپ میں رکھا گیا ہے۔ سری لنکا، بنگلہ دیش اور افغانستان دوسرے گروپ میں ہیں۔ متحدہ عرب امارات، عمان، سری لنکا اور انگلینڈ بھارت کے میچوں کی میزبانی کے لیے ایک غیر جانبدار مقام کے طور پر زیر غور ہیں۔ اطلاعات کے مطابق، ایشین کرکٹ کونسل (اے سی سی) کے اراکین ٹورنامنٹ کے ایک حصے کی میزبانی پاکستان سے باہر کرنے کے حق میں ہیں جس میں ہندوستانی ٹیم شامل ہوگی۔
پی سی بی کے نمائندوں نے نجم سیٹھی کی سربراہی میں دبئی میں آئی سی سی میٹنگ کے موقع پر غیر رسمی بات چیت کے لیے بی سی سی آئی کی ٹیم کے سیکریٹری جے شاہ اور آئی پی ایل گورننگ کونسل کے چیئرمین ارون دھومل سے ملاقات کی۔
