دی پاکستان ٹوڈے پاکستانی اور دنیا بھر سے تازہ ترین خبریں
ذرائع کے مطابق پشاور زلمی کے نئے کپتان بابراعظم نے پی ایس ایل میں کوئٹہ گلیڈی ایٹرز کے خلاف میچ میں ایک اور بڑا اعزا ز اپنے نام کرلیا ہے ۔ ای ایس پی این کے ریکارڈ کے مطابق بابراعظم ٹی ٹونٹی میں سب سے زیادہ سینچریاں بنانے والوں کی لسٹ میں اس وقت دوسرے نمبر پر پہنچ چکے ہیں ۔
کل کے میچ میں بابراعظم نے کوئٹہ گلیڈیئٹرز کے خلاف میچ میں اوپنر نوجوان صائم ایوب کیساتھ ملکی 162 رنز کی دھوندار اننگز کھیلی ۔ اور انھوں نے اس میچ میں ٹی 20 کرکٹ میں اپنی آٹھویں سینچری اسکور کی ہے ۔ بابراعظم ٹی ٹونٹی میں 8 سینچریاں بنانے کے بعد ڈیوڈ وارنر، ایرون فنچ اور مائیکل کنگز کیساتھ مشترکہ طور پر دوسرے نمبر پر ہیں۔ ان 4 انٹرنیشنل کرکٹرز سے بھی زیادہ ٹی 20 سینچریاں کرس گیل کی ہیں ، جنھوں نے اپنی ٹی ٹونٹی کیرئیر میں تقریباً 22 سینچریاں بنا رکھی ہیں ۔ مگر پشاور زلمی کے بابراعظم کی تو یہ پی ایس ایل میں پہلی سینچری ہے ۔ انھوں نے 20 نصف سینچریوں کے بعد ہی یہ اعزاز اپنے نام کیا ہے ۔
آج کے دن پی ایس ایل کا 26 واں میچ لاہور قلندر اور اسلام آباد یونائیٹڈ کے مابین کھیلا جائے گا ۔ یہ میچ شام 7 بجے شروع ہوجائے گا ۔ یہ دونوں ٹیمیں تقریباً پلے آف مرحلے کیلئے کوالیفائی کرچکی ہیں تبھی آج کی شکست سے کسی بھی ٹیم پر کوئی خاص فرق نہیں پڑے گا ۔ مگر شائقین کرکٹ کو ایک تگڑا مقابلہ دیکھنے کو ضرور مل جائے گا ۔
