دی پاکستان ٹوڈے پاکستانی اور دنیا بھر سے تازہ ترین خبریں
راشد خان پاکستان سپر لیگ (پی ایس ایل) کے جاری آٹھ ایڈیشن کے لیے لاہور قلندرز کے اسکواڈ میں شامل ہو گئے ہیں۔ افغانستان کے باصلاحیت کرکٹر (آج) منگل کی صبح آج ہی کے میچ کیلئے کراچی میں میں لینڈ کیے ہیں ۔
دفاعی چیمپئن لاہور اس وقت دو میچوں کے بعد دو پوائنٹس کے ساتھ پوائنٹس ٹیبل پر سب سے نیچے ہے۔ لاہور نے پی ایس ایل 8 کے افتتاحی معرکے میں ملتان سلطانز کو ایک رن سے شکست دی جب نوجوان تیز گیند باز زمان خان نے آخری اوور میں 15 رنز کا دفاع کرکے اپنی ٹیم کو فتح دلائی۔ تاہم اتوار کو ٹورنامنٹ کے اپنے دوسرے میچ میں لاہور کو کراچی کنگز کے ہاتھوں 67 رنز سے شکست کا سامنا کرنا پڑا۔ واضح رہے کہ پی ایس ایل 8 کی اختتامی تقریب اور فائنل 19 مارچ کو لاہور میں کھیلا جائے گا جس میں پلے آف میچز بھی ہوں گے۔ فاتح نہ صرف سپرنووا ٹرافی اٹھائے گا بلکہ اسے 120 ملین روپے کا چیک بھی ملے گا، جب کہ رنرز اپ کو 48 ملین روپے کا چیک ملے گا۔ لاہور قلندرز بیک ٹو بیک ٹائٹل جیتنے والی پہلی ٹیم بننے کی کوشش کرے گی۔ اس دوران اسلام آباد یونائیٹڈ کا مقصد تین بار ٹرافی اٹھا کر کامیاب ترین ٹیم بننے کا ہے۔
راولپنڈی میں 11 میچز ہوں گے، کراچی اور لاہور نو نو میچز کی میزبانی کریں گے جبکہ ملتان میں پانچ ہوم میچ ہوں گے۔
لاہور قلندرز کا سکواڈ
راشد خان، حارث رؤف، شاہین شاہ آفریدی، ڈیوڈ ویز، عبداللہ شفیق، شین ڈیڈسویل، کامران غلام، زمان خان، فخر زمان، حسین طلعت، سکندر رضا، لیام ڈاسن، دلبر حسین، مرزا طاہر بیگ، احمد دانیال، شاویز عرفان، جارڈن کاکس، جلات خان، احسن بھٹی، سیم بلنگز (راشد خان کا جزوی متبادل) اور شائی ہوپ
