رات سونے کیلئے بہترین اوقات کونسے ہیں؟

جیسا کہ ڈاکٹرز کی جانب سے ہمیں بتایا جاتا ہے کہ اچھی نیند ہماری ذہنی اور جسمانی صحت کے لیے نہایت ضروری ہے اور اچھی نیند کے لیے مناسب نیند کا وقت ضروری ہے۔ سونے کا بہترین وقت ہر انسان کے لیے مختلف ہوتا ہے مگر اکثر لوگ اپنے بہترین وقت سے لاعلم ہوتے ہیں۔

اب ایک امریکی ماہر نے انکشاف کیا ہے کہ کسی بھی شخص کے سونے کے بہترین وقت کی شناخت کیسے کی جاسکتی ہے۔ دی مرر کے مطابق ماہرین سونے کے بہترین وقت کو ‘سلیپ ونڈو’ کہتے ہیں اور ہر کسی کی نیند کا وقت 9:30 سے 11:30 کے درمیان ہی ہوتا ہے۔ جو شخص اپنی نیند کی ونڈو میں سوتا ہے اسکی نیند بہت معیاری ہوتی ہے۔ کینڈوش کیئر نامی فرم سے وابستہ ماہر کلوئے اینگس کا کہنا ہے کہ لوگوں کو اپنی نیند کی ونڈ وکو پہچاننے کے لیے رات 9:30 اور 11:30 کے درمیان مختلف اوقات میں سونے کا لازمی تجربہ کرنا چاہیے۔ اس دوران جب بھی آپ سوئیں تو اس کے بعد 8 گھنٹے کی نیند لیں اور اپنی نیند کے معیار کا جائزہ لیتے رہیں۔ کلوئے اینگس کے مطابق جس طرح سے آپ کو بہترین نیند آتی ہے اور صبح اٹھنے کا طریقہ بہترین ہے۔

وہ آپ کی سلیپ ونڈو ہو گی اور آئندہ اس سلیپ ونڈو میں سونا معمول بنا لیں۔اس کے علاوہ نیند کو بہترین بنانے کے لیے کیفین کا استعمال کم کریں، رات کو دیر سے کوئی چیز مت کھائیں۔رات کو سونے سے قبل موبائل فون یا کوئی بھی الیکٹرانک ڈیوائس استعمال مت کریں۔