دی پاکستان ٹوڈے پاکستانی اور دنیا بھر سے تازہ ترین خبریں
ہندوستان کے اسٹار بلے باز ویرات کوہلی نے حالیہ دنوں میں اپنی شاندار فارم کے بعد اپنی آئی سی سی ون ڈے پلیئر رینکنگ میں بہتری کی ایک لمبی چھلانگ لگائی ہے ۔ انھوں نے سری لنکا کے خلاف ہندوستان کی حالیہ ون ڈے سیریز میں کلین سویپ کے دوران تین اننگز میں حیران کن 283 رنز بناتے ہوئے
دو سنچریاں بنا کر سب کو بتادیا کہ ابھی کوہلی رُکا نہیں ہے۔ سابق ہندوستانی کپتان ون ڈے بلے بازوں کی تازہ ترین فہرست میں 750 پوائنٹس کے ساتھ مجموعی طور پر دو درجے چھلانگ لگا کر چوتھے نمبر پر آگئے ہیں۔ پاکستانی کپتان بابر اعظم 887 ریٹنگ پوائنٹس کے ساتھ بدستور نمبر ون پر پوزیشن برقرار رکھے ہوئے ہیں جب کہ جنوبی افریقہ کے ریسی وین ڈیر ڈوسن (766) اور کوئنٹن ڈی کاک (759) بالترتیب دوسرے اور تیسرے نمبر پر ہیں۔ کوہلی کے ساتھی کھلاڑی شبمن گل، محمد سراج اور کلدیپ یادیو نے بھی سری لنکا کے خلاف اچھی کارکردگی کے بعد اپنی رینکنگ میں بہتری لائی ہے۔
آئی سی سی نے ایک پریس ریلیز میں کہا، "گل نے سیریز کے دوران ایک سنچری اور ایک نصف سنچری بنائی اور 69 کی اوسط سے ان کے 207 رنز نے اوپنر کو ون ڈے بلے بازوں کی درجہ بندی میں 10 مقامات کی بہتری میں مجموعی طور پر 26 ویں نمبر پر پہنچنے میں مدد کی۔”
"لیکن سراج نے اپنی حالیہ کاکردگی سے سب کو حیران کر ڈالا ہے، اس 28 سالہ نوجوان نے سیریز کے لیے نو وکٹیں حاصل کرنے کے بعد ون ڈے بولرز کی فہرست میں 15 مقامات کی بڑی چھلانگ لگا کر تیسرے نمبر پر پہنچ گئے۔
