دی پاکستان ٹوڈے پاکستانی اور دنیا بھر سے تازہ ترین خبریں
ذرائع کے مطابق سہ ملکی ٹی ٹونٹی ٹورنمنٹ میں آج نیوزی لینڈ نے بنگلہ دیش کو یکطرفہ مقابلے کے بعد شکست سے دوچار کردیا ۔ اور آج کی شکست کے بعد بنگلہ دیش فائنل کی ریس سے باہر بھی ہوگیا ۔ اب پاکستان اور نیوزی لینڈ کے مابین فائنل میچ 14 اکتوبر بروز جمعہ کو کھیلا جارہا ہے ۔
اور اس میچ سے پہلے ہونے والا پاک بنگلہ دیش کا میچ پریکٹس میچ کی شکل اختیار کرچکا ہے ۔ بابراعظم نے بھی اس موقع کو غنیمت جان کر اپنی بینچ سٹرینتھ کو پھر سے آزمانے کا ارادہ کرلیا ہے ۔
ذرائع سے بتایا جارہا ہے کہ محمد رضوان کو کل کے میچ میں آرام دیا جائے گا ۔ اور اس میچ میں باولنگ کو بھی آزمانے کے ارادہ کرلیا گیا ہے ۔
بابراعظم تجربے کے طور پر شاداب خان یا پھر محمد نواز کو ریسٹ دیں گے اور چاروں فاسٹ باولرز ، محمد وسیم ، شاہنواز دہانی ، محمد حسنین اور نسیم شاہ کیساتھ اٹیک کریں گے ۔ اس کے علاوہ دیگر کھلاڑیوں میں محمد حارث اور خوشدل شاہ بھی ٹیم کا حصہ بن سکتے ہیں ۔
