دی پاکستان ٹوڈے پاکستانی اور دنیا بھر سے تازہ ترین خبریں
فیصل آباد جلسے میں عمران خان کی تقریر پر پاک فوج کا ردعمل سامنے آگیا، جس میں ان کا کہنا تھا کہ عمران خان کے پاک فوج کی سینئر قیادت کے بارے میں ہتک آمیز اور انتہائی غیر ضروری بیان پر فوج میں شدید غصہ ہے۔ ان کا مزید کہنا تھا کہ ایسے وقت میں پاک فوج کی سینئر قیادت کو متنازعہ بنانے کی کوشش انتہائی افسوسناک ہے۔ پاک فوج قوم کی سلامتی اور تحفظ کے لیے ہر روز اپنی جانوں کا نذرانہ پیش کر رہی ہے۔
ترجمان پاک فوج نے کہا ہے کہ آرمی چیف کی تعیناتی کا آئین میں واضح طریقہ کار موجود ہے، سینئر سیاستدانوں کی جانب سے آرمی چیف کے عہدے کو متنازعہ بنانے کی کوشش انتہائی افسوسناک ہے، پاک فوج کی سینئر لیڈر شپ کی اہلیت اور حب الوطنی اُن کی دہائیوں پر محیط بے داغ اور شاندارعسکری خدمات سے عیاں ہے۔
ڈی جی آئی ایس پی آر نے مزید کہا کہ فوج کی اعلیٰ قیادت کو سیاست میں ملوث کرنے کی کوشش ملکی مفاد میں نہیں ، آرمی چیف کی تعیناتی کے طریقہ کار کو متنازعہ بنانا پاکستان کے مفاد میں ہے اور نہ پاک فوج کے، پاک فوج اسلامی جمہوریہ پاکستان کے آئین کی بالادستی کے عزم پر قائم ہے۔
گزشتہ روز عمران خان نے جلسے میں کہا کہ وہ اپنی مرضی کا آرمی چیف مقرر کرناچاہتےہیں،عمران خان نے کہا ان کے مرضی کےآرمی چیف آئیں گے تو ان کی غلطیوں پر پردہ ڈالیں گے،فوج سیاستدانوں کو تحفظ نہیں دے سکتی۔
